Ein datganiadau newyddion

Mae gwasanaeth i helpu pobl mynychu apwyntiadau iechyd rhithiwr bellach ar waith ym Mhowys.

Trwy ddefnyddio cyllid gan Raglen Lles Gogledd Powys, penodwyd dau Hwylusydd Digidol i ddarparu cyngor a chefnogaeth i’r rhai sydd angen help i fynychu apwyntiadau fideo rhithiwr, gan ddefnyddio’r system Attend Anywhere neu Microsoft Teams.

​

Yn ogystal â gweithio ar gynlluniau hir dymor i wella darpariaeth iechyd a gofal yng ngogledd Powys – gan gynnwys datblygiad Campws Lles Amlasiantaethol yng nghanol y Drenewydd – mae’r Rhaglen Lles Gogledd Powys yn ariannu nifer o brosiectau tymor byr i wella iechyd a lles, fel yr un hyn.

​

Ymysg y gwasanaethau sy’n cael eu cynnig trwy ddefnyddio system fideo y mae seicoleg, ffisiotherapi, rheoli poen a rhoi’r gorau i ysmygu er mae sawl gwasanaeth yn cael eu hychwanegu’n rheolaidd.

​

 Cath Quarrell yw’r Rheolwr Datblygu Gwasanaeth gyda Bwrdd Iechyd Addysgu Powys. Esboniodd: “Rydym yn deall nid yw pawb yn gyfarwydd â defnyddio’r dechnoleg, sydd i rai, wedi dod yn rhan o’n byd gwaith ers dechrau’r pandemig. Felly, gyda diolch i gyllid gan Les Gogledd Powys, roeddem yn gallu buddsoddi mewn staff cymorth i arwain pobl trwy’r broses hyn, yn eu helpu mewngofnodi i’r sesiwn fideo gyda’r dechnoleg sydd ganddynt yn barod.”

​

“O fewn y gwasanaethau rydym yn cefnogi, gwelwn fod canran yr apwyntiadau a chollwyd wedi lleihau o ryw 20% i dua 3%” esboniodd Cath.

Ychwanegodd Tim Smith, yr Hwylusydd Digidol Arweiniol: “Roeddem yn disgwyl cefnogi’r ddemograffeg hŷn, sydd o bosibl yn llai cyfforddus yn defnyddio technoleg ar-lein ond yn aml rydym yn gweithio gyda phobl ifanc nad ydynt gyda mynediad i’r offer sydd angen arnynt. Yn ogystal â’r gwaith gyda thîm Rhaglen Lles Gogledd Powys, rydym hefyd yn gweithio gyda phartneriaid ledled Powys i gynnig mwy o help o fewn y maes hwn.”

​

Esboniodd bod mwyafrif o gyfrifiaduron llechen, ffonau clyfar, cyfrifiadur personol a gliniaduron gyda rhyw fath o gamera y gellir ei ddefnyddio ar gyfer y systemau fideo hyn. Mae claf yn derbyn cynnig help gan yr Hwyluswyr digidol pan mae staff iechyd yn trefnu apwyntiadau iddynt, er hyn mae’r bwrdd iechyd yn cydnabod, ar gyfer rhai, mae apwyntiadau wyneb yn wyneb yn fwy addas.

​

Owen Hughes yw’r Pennaeth ar gyfer gwasanaeth Rheoli Poen a Blinder y bwrdd iechyd. Nododd: "Ar gyfartaledd mae’r trigolyn cyffredin ym Mhowys yn gwneud taith o 37 milltir i gyrraedd gofal iechyd – os ydych yn profi effeithiau poen hirdymor neu flinder cronig gall hwn deimlo llawer yn hirach, heb sôn am y gost a’r amser sy’n gysylltiedig â mynychu apwyntiadau. Mae unrhyw beth sy’n helpu ni oresgyn yr heriau hyn yn newyddion da iawn i unigolion – yn enwedig os yw’n cynorthwyo â lleihau ein hôl troed carbon ar yr un pryd.”

​

Llun: Hwylusydd Digidol Jon Patterson yn arddangos y system Attend Anywhere ar ei liniadur. 

Mae pobl o fewn Gogledd Powys yn cael eu holi am eu safbwyntiau ar gynlluniau cynnar campws iechyd a lles amlasiantaethol yn y Drenewydd.

Lansiwyd arolwg ar-lein gan Raglen Lles Gogledd Powys yn gofyn am adborth ar syniadau cynnar am ddod ag iechyd a gofal cymdeithasol, gwasanaethau llyfrgell, tai â chymorth, mannau lles a rennir yn y gymuned ac academi iechyd a gofal, at ei gilydd yn ogystal â’r cynlluniau am adeilad newydd i Ysgol Calon y Dderwen yng nghanol y dref.

Arweinir y rhaglen gan Fwrdd Iechyd Addysgu Powys a Chyngor Sir Powys dan y  faner Bwrdd Partneriaeth Rhanbarthol Powys gyda chymorth gan Gymdeithas Mudiadau Gwirfoddol Powys.

Cyn y pandemig, cynhaliwyd llawer o ymgysylltu gan y tîm i ddod o hyd i’r hyn a oedd yn bwysig i bobl yn sgil eu hiechyd a lles. Gwrandawodd y tîm, ac fel rhan o hynny, yn datblygu syniadau cynnar ar sut i ddod â mwy o wasanaethau at ei gilydd ar y safle.

Mae Hayley Thomas, Cyfarwyddwr Cynllunio a Pherfformiad y bwrdd iechyd, yn Uwch Swyddog ar y cyd o’r rhaglen (gyda Chyfarwyddwr Corfforaethol y cyngor sy’n gyfrifol am Ofal Cymdeithasol, Ali Bulman). Ychwanegodd Ms Thomas “Un o’r buddion posibl o’r rhaglen hon fydd y gallu i gynnig fwy o ddiagnosteg a thriniaethau iechyd o fewn y Drenewydd, a fydd i rai, yn lleihau’r angen i deithio er enghraifft i’r Amwythig.”

Yn ddibynnol bod y cyllid gan Lywodraeth Cymru ar gael, gobeithir y bydd y campws yn gweithredu yn 2026, ond rhagwelir y bydd adeilad newydd yr ysgol yn barod cyn y dyddiad hwn. Os ddatblygir, bydd prosiect y campws y gweld buddsoddiad sylweddol pellach yn y Drenewydd, yn dilyn y £95m ar gyfer y ffordd osgoi, y cynnig arfaethedig ar gyfer Ysgol Cedewain ac Agoriad lleoliad ar lan yr afon gyntaf y Drenewydd.

Pwysleisiodd Ms Thomas nid yw’r rhaglen am y Drenewydd yn unig. “Rydym yn edrych i ddatblygu gwelliannau yn ofal a lles ledled gogledd Powys. Mewn gwirionedd, rydym wedi bod yn ariannu nifer o brosiectau ‘llwyddiannau sydyn’, megis cefnogi hwyluswyr digidol i helpu pobl ifanc fynychu apwyntiadau iechyd ar-lein a chynnig ffynonellau i wella’r gwasanaethau offthalmoleg ac anadlu ledled yr ardal.”

Mae Cynghorydd Cyngor Sir Powys Myfanwy Alexander yn Gadeirydd o Grŵp Goruchwylio’r Rhaglen. Meddai: ‘Rydym yn edrych i gyflwyno gwell iechyd i’n preswylwyr mewn ffyrdd newydd ac rydym am weithio gyda’n gilydd gydag unigolion a sefydliadau i sicrhau ein bod yn arwain y prosiect cyffrous yma i gyflwyno’r buddion mwyaf i’n cymunedau.’

Mae’r arolwg ar-lein ar gael ar www.dweudeichdweudpowys.cymru/cynlluniau-cynnar-ar-gyfer-campws-lles-amlasiantaeth-yn-y-drenewydd (neu www.powyswellbeing.wales) a fydd ar gael tan ganol nos ar Ragfyr 12fed.

Bydd copïau papur ar gael yn fuan o lyfrgelloedd y cyngor yng ngogledd Powys neu drwy powyswellbeing.north@wales.nhs.uk neu drwy ffonio 07792 129677.

Nid y cyfle olaf i bobl lleisio’u barn fydd yr arolwg hwn. Bydd ymgysylltu pellach yn digwydd wrth i’r prosiect ddatblygu yn y blynyddoedd i ddod.

​